Sa tulong ng ilaw na nakasindi ay nabigyang liwanag na ang buong silid. Malinis na rin ang paligid at naayos na ang mga gamit.
Nakaupo sa ibabaw ng kama si Warren. Nakakadena na ulit ang mga paa na nakatali sa magkabilang paa ng kama. Bagong paligo lamang siya at nakabihis na rin ng bagong t-shirt at short kaya kahit papaano ay maayos na ang kanyang itsura. Gusto na nga sana niyang kunin ang pagkakataon na naligo siya kanina para tumakas ngunit bukod sa nanghihina pa ang kanyang katawan, wala ring pwedeng lusutan sa loob ng banyo dagdagan pa na dalawa ang nagbabantay sa kanya na nasa magkabilang gilid ng pinto at sa natitira niyang lakas, alam niya sa sarili na hindi niya ito kayang patumbahin kahit na gustong-gusto na niya.
“Hoy! Umayos ka at darating na ang boss namin para makita ka.”
