UMIIYAK ako habang naglalakad palabas ng mansyon. Dito ako lumaki pero ngayon ay ipinagtatabuyan ako ni Daddy! Ramdam ko ang tinginan ng mga kasambahay sa akin. Nagtataka sila sa kinahinatnan ng pag-uusap namin ni Daddy. Nasa labas na ako ng main door nang makasalubong ko si Sabrina na noon ay kadarating lang. Bakas din ang pagkagulat sa kaniya pagkakita sa akin na umiiyak. Napansin kong maputla siya. Maitim ang paligid ng mata tanda na kulang siya sa tulog at hupyak ang kaniyang pisngi. She's always been skinny, but she seems even thinner now. Pinunas ko ang mga luha. Tumigil ako sa paglakad at matapang na tinitigan siya. Hindi naman niya magawang salubongin ang mga tingin ko.
“Baka may gusto kang sabihin sa akin?” mataray na tanong ko. Kahit pa galing ako sa pag-iyak, hinding hindi ko p
