“Sweetheart, umalis ka raw? Bakit hindi ka nagpasama kay Perla? Paano kung bigla kang nahilo at walang nakasalo sa’yo? You and our baby could be in danger.”
Nag-aalala siyang tiningnan ni Jayvee at mabilis na nilapitan at niyakap nang makapasok ito sa kuwarto nila.
Napalingon siya sa orasan dahil sigurado siyang hindi pa alas-singko dahil hindi pa nagtatagal nang makauwi siya, at tama siya. 4:38 pa lang ng hapon at ngayon ay nakauwi na agad si Jayvee. Late na nga itong pumasok, maaga pa itong umuwi.
Pero hindi niya naman ito masita dahil siguradong nag-alala lang ito sa kanya. Pero siya, nagagawa pang magsinungaling sa dalawang lalaking mahal na mahal siya.
Nakakakonsensiya. Pero hindi na rin niya alam kung sino ang papanigan niya. Si Pablo ba o ang mga asawa niya?
“Bigla kasi ak
