CHAPTER eight
IBINABA ni Aria ang hawak na ball pen. “May gusto ka bang sabihin?” tanong niya kay Randall na kanina pa palakad-lakad sa loob ng kanyang opisina. Kanina pa niya napapansin ang pagkabalisa ng binata. Hindi rin tuloy siya makapag-concentrate sa ginagawa.
Tumigil si Randall at saka umupo sa visitor’s chair sa harap ng kanyang desk. Inabot nito ang kanyang kamay at ginagap iyon. “Have you heard the news, sweetheart?”
“Kung ang tinutukoy mo ay ang pagkakaabsuwelto at pagkakalinis ng pangalan ninyo, of course I am very much aware of that.”
Sino ba ang hindi nakakaalam sa balitang iyon? Laman iyon ng lahat ng peryodiko, telebisyon, at radyo. Napatunayan na walang anumang anomalyang ginagawa si Senator Clark.
“At kasama ang mga negosyo ko roon, Aria. Do you know what that m
