CHAPTER ten
MARAHANG hinahampas ng alon ang mga paa ni Aria habang naglalakad siya sa dalampasigan. Tatlong buwan na ang nakalilipas mula nang siya ay lumayo. Naghilom na rin ang sugat sa puso niya kahit paano. Hindi na siya galit. Nakamtan niya ang peace of mind sa lugar na iyon. Sa ngayon, namamayani sa damdamin niya ang pagka-miss kina Randall at Honeyleen.
She loved him still. At parang mas nadagdagan pa nga ang pagmamahal na iyon.
Matagumpay ang ginawa niyang pagtatago kay Randall. Kapag kasi sa resort niya lang siya tumigil, siguradong hindi siya tatantanan ng binata. Gayunman, tinatawagan niya ang binata nang dalawang beses sa isang buwan para ipaalam na maayos ang kanyang kalagayan at siyempre, para na rin marinig niya ang boses nito. Sa huling tawag niya, ipinakausap nito sa
