Kabanata 33
"Ayaw niyo ba sa silid niyo kayo matulog?" tanong ni Rihav matapos kaming kumain.
Kasalukuyan kaming nasa sala ng bahay at nanonood ng mga pambatang palabas. Buong araw ay halos kulitan lang ang aming ginawa. Hindi naman gano'n katagal ang inilaan ni Hacov sa pagligo sa swimming pool dahil inaalala niya rin ang kapatid na nanginginig na sa takot habang yakap ako.
Ilang beses kong sinabihan si Hera na pumasok na kami pero tinatangihan niya iyon. Hinarap niya ang takot niya sa kagustuhang gumaling sa kanyang truma. Ako ang nahihirapan sa kanya sa tuwing pinipilit niya ang kanyang sarili, pwede namang unti untiin para mas maganda ang processo. Pero wala akong magawa siya ang sinusunod ko dahil alam niya sa sarili niya kung kaya niya ba o hindi ang isang bagay.
"Gusto kong kata
