GRACE
Tatlong linggo na niyang hindi nakikita si Nathan. Panay alis na ito at hindi na niya ito nakasalubong sa kanilang apartment. Sobra na siyang nag-alala rito. Hindi niya alam pero pakiramdam niya ay may nagbago. Naging malamig na ang pakikitungo nito sa kanya. Simula nang umalis ito noong gabing iyon ay ramdam niya ang pagbabago nito. Sobrang bilis ng pangyayari at hindi niya alam kung ano ang kasalanan niya kung bakit kahit ni hi o hello man lang ay wala siyang natanggap mula kay Nathan.
Napatitig siya sa kanyang kamay kung saan ang hawak niya ay pregnancy test. Dalawang guhit ang nakita niya. Pangtatlo na niya ito, pareho pa rin ang kinalabasan na resulta. Wala siyang makapang kasiyahan kundi kalungkutan at kaba. Maraming bumabagabag sa kanyang isipan. Paano kung hindi tanggap ni
