NATHANIEL
Kararating lamang niya sa condominium building kasama niya si Dave. Nangungulit kasi ito na sumama sa bagong condo na binili niya. Hindi siya titigilan nito kung hindi nito malaman. Abala ang tingin nito sa buong paligid.
“This is a high-end condominium, Nate. Talagang seryoso ka talaga na makuha ang loob ni Grace,” nakangiting wika nito sa kanya at sumasabay sa paglalakad niya.
“Alam mo na, gagawin ko ang lahat upang makuha siya ulit kahit gumastos pa ako ng malaki basta bumalik lang siya sa akin.” Inaayos niya ang pagkakasukbit ng kanyang sling bag.
Huminto sila sa isang elevator at naghintay na bumukas ito. Napatingin siya sa itaas kung ilang numero na. Hanggang sa nakita niyang naging G sign na ito. Pinindot niya ang itaas at nang magbukas ang elevator ay agad silang pum
