GRACE
Nilagay niya sa mesa ang isang sulat. Hindi na siya magpapaalam sa kanyang kapatid at kay Nadia. Wala siyang maihaharap sa mga ito. Ayaw na rin niyang madamay ang dalawa sa problema. Kailangan niya munang magpakalayo dahil mas gugulo pa lalo kapag nanatili siya rito.
Kinuha niya ang cellphone at tinipa niya ang numero ni Nadia. Ilang ring bago nito sinagot ang tawag niya. May pinuntahan kasi itong importante at hindi naman nito pwedeng makaligtaan.
[Hello, Grace? Napatawag ka? May nangyayari ba sa'yo? Sabihin mo sa akin para puntahan kita agad diyan.]
Nagsisimula na naman nanlabo ang kanyang mga mata. Gustuhin man niyang makasama ang dalawa ay hindi niya magawa.
"Nadia, ikaw na muna ang bahala sa kapatid ko—" Napatigil siya sa pagsasalita nang bigla itong magsalita.
[Ano! Grac
