GRACE
Sobrang abala na si Grace sa pag-aasikaso ng pictorial. Tutok na ang kanyang atensyon sa mga modelo na ngayon ay nakatutok na sa camera. Ngayon ay ang araw ng photoshoot nila at sa makalawang araw ay ang kanilang event. Sa totoo lang, wala siyang maayos na tulog dahil sa pag-iisip na kung ano pa ang mga kailangan. Hindi na siya mapakali at kabado na siya dahil malapit na ang mismong grand event nila. Kinakabahan siya dahil baka may pumalpak o may masamang mangyayari. Pero naisip din niya na walang magagawa ang negatibong pag-iisip kundi nakakasira lang ng araw. Gumawa siya ng paraan para malibang at inaabala ang kanyang isip sa ibang bagay na mas importante.
Tiningnan niya ang mga modelo kung tama ba ang sukat sa kanilang katawan. Kung may maliit na problema ay agad nilang aayusin
