Abby's POV:
Nang ihatid ako ni Corson sa aming bahay ay sakto naman ang pagbaba ng sasakyan ni Remualdo. May pagtataka sa kan'yang mga mata nang makita kaming magkasama.
"Ah, h-hinatid niya ako dito sa bahay," nauutal kong sambit kay Rem.
"Hinatid ko lang ang girlfriend ko sa bahay nila." Mariin niyang sambit kay Rem sabay hapit niya sa aking beywang na bigla kong kinailang dahil sa mga tingin ni Rem na tila nangungutya.
Humalik sa akin si Corson senyales na aalis na siya.
Nang magpaalam si Corson ay nanatili naman si Remualdo na tila inaantay ang pag-alis ng kan'yang kapatid.
Nakita ko ang biglang pagguhit ng sakit sa mga mata ni Rem nang mapadako ang tingin ko sa kan'ya. At bigla ay napalitan iyon ng galit na ikinataranta ko.
"Mag-usap tayo," pigil niya sa aking braso ng tangkai
