Angela
Dinama ko lang ang init ng kanyang braso na nakapulupot sa aking balakang. Nagdadalawang isip ako kung hahawakan ko ba ang matipunong brasong iyon.
Hindi ko kasi alam kung totoo ba ang mga yakap na iyon dahil nag-aasaran kami kanina. Baka isa lang ito sa mga patibong nya para paghigantihan ako sa ginawa kong pangbibitin sa kanya.
Pero wala na ako sa aking sarili. Hinawakan ko ang brasong nakadantay sa akin na talaga namang hinahanap hanap ko. Marahan kong hinimas ang mga iyon.
Sa pagkakataong ito ay bigla na lang akong naluha dahil naalala ko ang lahat ng kasamaan na ginawa ko sa kanya. Naalala ko bigla kung gaano kabuti ang puso nya ngunit nagawa ko pa rin syang lokohin at saktan. Naalala ko bigla kung paano ko pinahirapan ang damdamin nya na may totoong pagpapahalaga sana
