Padabog at nakasimangot na umupo si Joymi sa kama. Hindi pa rin siya makapaniwala hanggang ngayon sa pang-aasar ni Kaira. Hindi niya talaga maintindihan kung anong nakain ng kaibigan at napagtripan siya.
"Lukot na lukot na naman 'yang mukha mo. Relax ka lang, Misis. Dadami wrinkles mo kaagad niyan bahala ka," nakangiting biro ni Franz matapos isara ang pinto.
"So? Ano naman ngayon kung dumami wrinkles ko at pumangit ako?" tinaasan niya ng kilay ang asawa.
"Bakit ba ang init na naman ng ulo mo? Ganiyan ba talaga kapag tumatanda na?" pang-aasar pa rin nito at hindi talaga natatakot kahit na halos lumuwa na ang mata niya kakatingin ng masama rito.
"At nagsalita ang hindi pa tumatanda. Tsk, at talaga ring sumunod ka naman sa sinabi ni Kaira na sundan ako. Hindi ba at sinabi kong dalhin mo
