"Nagugutom ka ba?" tanong ni Franz kay Joymi pagsakay nito sa kotse matapos mailagay sa sasakyan ang mga ipinamili."Gusto mo ba kumain muna tayo?" dagdag pa nito habang inaayos naman ang seatbelt at naghahanda na para magmaneho.
Napatingin naman si Joymi sa cellphone to check kung anong oras na. Alas kuwatro na rin pala ng hapon. Inabot din sila ng ilang oras sa mall dahil nga sa haba ng pila tapos ay dalawang cashier lang ang available. "Hindi na. Okay pa naman ako. Hindi ako gutom at saka strict kasi ang parents ko kaya kailangan kong umuwi agad. Paalam ko kasi mag-go-grocery lang, eh," biro niya pa nang lingunin ang asawa. Natawa lang naman ito ng marahan.
"Gusto mo ba ipagpaalam kita sa parents mo?" ganting biro naman ni Franz at saka dinukot cellphone sa may bulsa at nagkunwaring ta
