Ilang minuto pa lamang ang nakakalipas matapos makausap ni Kaira si Joymi nang muling mag-ring ang cellphone niya. "Masyado mo na ba talaga akong na-miss, Sis at katatapos pa lang nating mag-usap ay napatawag ka na agad? O may nakalimutan ka pang sabihin?" natatawang biro niya nang sagutin ang tawag.
"Si Franz ito." Bahagyang natigilan at nawalan ng imik si Kaira. Hindi naman kasi talaga siya tinatawagan nito kaya naman nagulat siya. Hindi rin nga niya alam na alam nito ang number niya.
She is using an airpods dahil nga nagmamaneho siya kaya naman hindi niya na nakita sa screen kung sino ang caller. Wala rin naman siyang ibang taong inaasahang tatawag dahil linggo kaya akala niya talaga ay si Joymi iyon.
"Hey! Kamusta? Napatawag ka?" tanong niya sa kaswal na tinig. Oo nga at kaibigan s
