At gaya nga ng usapan nila ni Franz. Nag message ito sakaniya pag alis nila sa bahay at nagpalipas lang din siya ng ilang minuto para magpahinga sa bahay niya bago umalis papunta sa apartment ng mga ito. Na-miss niya na rin naman kasing kausap ang mga magulang ni Joymi na parang pangalawang magulang niya na rin kaya she really wanted to see them.
She bought buko pie and piyaya on her way para ipasalubong sa mga ito dahil alam niyang paborito iyon ng mga magulang ng kaibigan. "Good afternoon, Tita!" masiglang bati niya ng mapagbuksan siya ng pinto ng ginang. Agad din naman siyang bumeso rito bilang pagbati.
"Naku! Bakit pumayat kang bata ka, ha? Ginugutom mo ba ang sarili mo?," may halong panenermon na sambit pa nito at saka siya inakay papasok.
"Hindi naman po. Nage-exercise at gym na p
