Nang magising si Joymi ay wala na sa tabi ang asawa. Napatingin siya sa orasan. Alas sais na ng umaga. Mabigat ang katawan na kumilos siya at bumangon.
Wala na talaga siyang ganang pumasok pa kaya naman tamad na tamad na siyang kumilos. Kung hindi nga lang siya nahihiya kay Gabriel ay mag absence without leave na lang siya.
Habang inaayos at inililigpit ang hinigaang kama ay naramdaman niya ang pagkulo ng kaniyang tiyan. Nagrereklamo na ang mga alaga niyang anaconda sa tiyan dahil nga hindi naman talaga siya nakakain ng hapunan kagabi.
Daig niya pa talaga ang heartbroken dahil hindi pa rin matanggap ng sistema niyang hindi lang tanga ang tingin sakaniya ng COO nila. Inakusahan pa siyang sinungaling. Kahit naman siguro sino ay hindi makakatulog at makakakain kung ganoong harap harapan ka
