Mag-aalas onse ng nakauwi sa bahay si Franz. Biglaan kasing pina-audit ng CEO ang Admin Department para sa mga unliquidated cash advance ng mga ito kaya naman biglaan din tuloy silang nag-overtime.
Pagpasok niya sa kwarto ay agad niyang nilapitan ang asawa para tignan kung tulog na ito. Hindi siya nagsindi ng ilaw dahil ayaw niyang maistorbo si Joymi at dahan-dahan lang din ang paghakbang niya palapit dito upang hindi makagawa ng ano mang ingay.
Ngunit hindi pa man siya nakakalapit ng tuluyan ay pumihit na ito paharap at saka nagsalita. "Para ka namang magnanakaw kung magdahan-dahan," anito at saka bumangon. "Kumain ka na ba?" tanong pa nito habang itinatali ang buhok.
"Bakit gising ka pa? May bumabagabag ba sa isip mo kaya hindi ka makatulog?" aniya nang umupo sa tabi nito sa gilid ng
