"What's with the attitude a while ago, Gab? Hindi ako sanay na ganon ka makitungo sa kahit na kanino," tanong ni Franz kay Gabriel nang mapansin na tahimik pa rin ito habang naglalakad na sila pabalik sa opisina nila.
"Ha? Anong ibig mong sabihin, Boss? Ma-attitude ako? Grabe ka naman sa akin. Nalipat ka lang ng ibang department hinuhusgahan mo na ako," kunwari'y naghihinanakit na turan nito.
"Iyon na nga. Alam ko naman na that is not your usual self. Kadalasan ay napaka feeling close mo sa lahat tho matabil talaga ang dila mo minsan, pero iba kasi talaga ang pakiramdam ko sa takbo ng usapan ninyo kanina ni Ma'am Maxinne."
Nagkibit-balikat pa muna ang binata bago tumugon. "Siguro may sumpong lang ako kanina kaya wala ako sa mood makisama o makipag-plastikan just because mas mataas ang p
