"Hindi kayo sabay pumasok ni Sir Franz ngayon, Sis? May tampuhan na naman ba kayo?" tanong ni Lyka. Bigla na lang sumulpot ito at si Mira sa tabi niya habang naglalakad siya papasok sa building ng opisina nila.
Ngiti lang naman ang sinagot niya sa tanong nito. Sabay silang bumaba at umalis sa bahay kanina ni Franz pero dahil nga inis pa rin siya rito ay iniwan niya ang asawa at nag taxi na lamang siya. Ni hindi nga rin siya tinawag ni Franz kanina para pigilan so sa tingin niya ay mukhang naka sumpong rin ang pride nito.
Napakagulo naman kasing kausap nito. Sabi nito ay hindi nagmamadali pero gusto namang makita silang magkasama ng mga ka-trabaho nila. Wala naman din siyang balak itago habang buhay ang status nilang dalawa pero para sakaniya kasi talaga ay hindi pa ito ang tamang oras a
