Mataas ang sikat ng araw na sinabayan pa ng may kalamigan ng hangin nang makabalik si Megumi sa kwartong tinutuluyan niya pansamantala. Mababakas naman sa mukha ni Megumi ang kakaibang ngiti dahil sa planong isinagawa niya kani-kanina lang. Dahil dito hindi mawala-wala ang ngiti sa kaniyang labi sapagkat naaalala niya kung paano himatayin si Thalia dahil sa pananakot na ginawa niya rito. Gustuhin man ni Megumi na saktan ito dahil sa ginawa ni Thalia sa kaniya noong nakaraan, pinili muna niyang pigilan ang sarili sapagkat nais niyang makita ito na unti-unting nagdudusa. Bukod dito, alam din ni Megumi na hindi sapat sa mga ito ang mamatay ng ganoong kadali lang, kung kaya't nagpasiya si Megumi na pahirapan ang mga ito, lalong-lalo na ang tinuring niyang ama. Bagamat matagal nang nangyari 'yo
