- RITA -
"Oh, saan niyo siya nakita?" Bungad ni papa pagkakita sa aming tatlo. Agad siyang lumapit sa akin at niyakap ako.
"Nandoon lang po ako sa - " Sasagot sana ako pero pinutol agad ni Kisses ang sasabihin ko.
"Nasa harap lang po siya ng simbahan, Tatay Danny."
"Buti at hindi ka nagtangkang umalis pa roon dahil kung magkataon, mas mahihirapan kaming makita ka." Nakita ko ang sobrang pag-aalala ni papa sa akin. Nakita ko si Marco sa likod niya at nakatunghay sa amin.
"Ako na po bahala kay Rita, Tatay. Hahawakan ko po siya at hindi pakakawalan para hindi po siya mawala sa paningin nating lahat."
"Grabe naman iyan. Hindi ko naman sinasadya na mawala sa paningin niyo. Gusto ko lang kasi sumalo ng holy water."
"Sana tinawag mo ako para masamahan kita."
"Eh akala ko kasi nasa likod
