- RITA -
Nakatapos na kaming kumain ng hapunan pero walang Marco pa rin na lumitaw sa kusina.
Malaki rin naman ang mesa dito sa loob ng kusina kaya dito kami kumakain ng sabay-sabay. Mabuti na lang talaga na kahit anak-mayaman si Kisses ay hindi siya maarte at matapobre. Madali siyang pakisamahan kaya hindi na ako naiilang sa kaniya.
"Anak, hatiran mo na lang siguro ng pagkain sa kuwarto si Marco pagkatapos mo maghugas diyan."
"Sige po."
"Mukhang may sumpong ang batang iyon eh."
"Bakit po? Nagpasaway po ba sa inyo?"
"Hindi naman pero maghapon siyang nakasimangot. Nag-away yata sila ng mommy niya sa cellphone."
"Ano pong narinig niyo na usapan nila?"
"Iyon ang alamin mo tapos kuwento mo rin sa akin."
"Ano ba 'yan? Kulang-kulang naman ang report ni Papa eh."
"Eh hindi ko naman p
