- RITA -
Basta na lang ako nagising. Basta na lang dumilat nang kusa ang mga mata ko. Para bang mas kailangan ko gumising ng mas maaga ngayon para mabantayan ang pagbaba niya.
Mabilis na gumawi ang tingin ko sa pinagpupuwestuhan ng wall clock. 5:30 ng umaga pa lang. Masyado pang maaga kung tutuusin 'yan. Kasi ang kadalasan na gising at bangon ko talaga ay 7:00am.
Tumingin ako sa lapag. Masarap at mahimbing pa naman ang pagkakatulog ni papa. Baka puwede pa akong pumikit at bumalik sa pagkakatulog. Antok na antok pa man din ako dahil sa alas dos ng madaling araw na yata ako nakatulog.
Kasalanan ni Marco ito eh. Ay hindi, si Kisses talaga may kasalanan nito eh. Hindi pa naman nagugunaw ang mundo ngayon eh. Ang bango-bango pa ng simoy ng hangin. Ang presko pa ng pumapasok na hangin mula sa
