- RITA -
Nakahiga na ako sa kama habang si papa ay nakaupo pa sa upuan na malapit sa bintana. Nagbabasa pa siya ng bibliya. Ginagawa niya iyon tuwing gabi bago matulog.
Hindi ko pa nagagawang magbasa ng bibliya. Sumasakit kasi ang ulo at mata ko dahil sa maliliit na letra.
Patawarin ka sana ni Lord sa mga dahilan mo, Rita.
Napa-sign of the cross tuloy ako sa naiisip ko. Sorry na po, Lord.
Bumangon ako mula sa pagkakahiga ko. Pinagmamasdan ko si papa. Hindi pa rin kasi ako makapaniwala na madali niyang natanggap ang pakikipag-relasyon ko sa anak ng amo niya.
Ewan ko ba't naisip ni papa paboran ang relasyon namin.
Ah, so, gusto mo na kontrahin pa ng papa mo 'yang pagmamahalan niyo ni Marco. Gusto mo ba siya maging father version ng nanay ni Dao Ming Si? Pilit na hinahadlangan ang pa
