Lucio’s POV
‘Yung mata ko, hindi alam kung saan titingin sa dami ng tanim na strawberry dito sa strawberry farm. Para mag-enjoy akong mabuti ay tag-iisa kami ng malaking basket na kinuha ni Skyla. Dito kasi ay puwede pala ‘yung ikaw ang pipitas ng strawberry mo. Pagpasok namin sa pinaka-farm, naghiwa-hiwalay kaming tatlo. Si Skyla, sinamahan na lang pumitas ang mama niya, habang ako naman ay naghanap ng mga malalaking bunga. Kasi alam kong kapag malaki at mataba, matamis at makatas. May mga nilalapitan nga akong farmer dito, nagtanong-tanong na rin ako kung paano ba ang tamang pag-aalaga sa mga presa. Ayon, hindi lang ako nag-enjoy sa pamimitas, kundi nakapulot pa ako ng mga tips sa kanila.
Habang namimitas ako, hindi nawawala ang ngiti sa labi ko. Ganito ‘yung mga bunga na gusto kong ma
