Skyla’s POV
Sinakay na lahat ni Lucio sa sasakyan niya ang mga gamit na dala namin. Habang ako naman ay naghanda rin ng mga pagkaing dadalhin namin. Pumunta ako sa kubo ni Lola Igna. Nag-marinate ako ng mga karne na kinuha ko sa fridge. Ang nakakatuwa dito sa kusina ni Lola Igna ay kumpleto siya lahat, kung ano man ang hinahanap mo, makikita mo talaga lahat dito. Nagdala na rin ako ng mga prutas na kinuha ko rin doon.
“Kapag may sumobra kayong isda, uwian ninyo ako, ha?” sabi ni Lola Igna.
“Talagang sosobrahan ko po talaga, Lola Igna, at alam ko hong mahilig kayo sa tilapia,” sagot ni Lucio sa kaniya nang bitbitin na nito ang maliit na kaldero na dadalhin namin.
“Ay, wait, nakalimutan ko ‘yung isang maliit na pakwan. May panggagamitin ako roon eh,” sabi ko at saka ako nagtatakbo sa loo
