Lucio’s POV
For the first time, magagamit na rin ang delivery truck na nabili ko. harvest day kasi ngayon ng mga petchay, talbos at ng ilang mga gulay namin na hindi naapektuhan noong may mangyari rito sa farm namin. Kumikinang ang mga mata ko sa dami ng mga naani ngayong araw. Kaya heto, umagang-umaga ay busy tuloy kami ni Lola Igna. Ang dami ko ring pinapasok ngayon ng mga staff ko dahil kailangan.
“Lele, bakit wala si Lulu?” tanong ko sa kaniya habang nagtatali na kami ng mga petchay. Abala kasi ang lahat, siya lang ang wala rito. Tulog pa kaya? Sabagay, ngayon na lang kasi ulit nangyari ito. Tapos alas singko pa lang ngayon ng umaga. Nasanay sa siguro siyang tanghali na gumising.
“Napuyat po ata. May pinupuntahan po kasi sa gabi ‘yan eh, tapos umaga na kung umuwi,” sagot naman ni Le
