TAGAKTAK ang pawis na naupo si Tempest sa karenderyang nadaanan niya. Pasado alas onse na at napapagod na siyang maghanap ng trabaho. Nag-walk in lang kasi siya at hindi siya tiwala sa mga online sites tumingin ng trabaho. Madami na ang scammer sa panahon ngayon.
“Hi Ganda, ano ang sayo?”
Gustong mapairap ni Tempest sa lalakeng nage-serve ng pagkain sa mga customers. Maganda pa ba siya sa lagay na ito eh mukhang haggard na siya. Isang linggo niya nang napapabayaan ang sarili dahil sa pagiging broken hearted niya. Pero dahil gusto niyang makalimut, naghanap na lamang siya ng trabaho. Tama na ang pagmumukmok. Kahit sobrang nasaktan siya, oras na para bawiin ang medyo kumukupas niya nang ganda. Hindi siya pwedeng masapawan ng mga taga sa kanila at nagfe-feeling
