NATAPOS ang pananghalian na pinagsilbihan siya ng ama. Naryan na 'yung ipagsasandok siya ng ulam saka lalagyan ng tubig ang baso. Natutuwa naman siya't nagpapasubo sa kanya ang bata. Pero dahil sa may pagkadaldal ito, maging si Danger ay gusto nitong pasubuan sa kanya.
Kaya naman ay wala na siyang nagawa kundi ang sundin ang utos nito. At ang damuho, tuwang-tuwa naman at pasimple pang ipupulupot ang kamay sa beywang niya.
"I'm so full. Thank you Mommy for feeding me. You're the best mommy in the world!" ani Kartini saka dinaluhan siya ng yakap.
Bahagyang natigilan si Tempest dahil doon bago niyakap pabalik ang bata. Samantalang sa gilid ng kanyang mata ay kitang-kita niya nas natigilan rin si Danger. Pero mayamaya lang ay napangiti na rin at kung may anung pinunasan sa gilid ng mata nit
