NAKAPANGALUMBABANG nakatitig si Tempest sa screen ng laptop niya. Mula sa kabilang linya ay tanaw niya ang paggayak ni Danger. Abala ang huli sa pag-ayos ng tie na suot at mayamaya lang din ay nagsusuot na ng relo sa palapulsuhan nito.
“Nangingitim na ilalim ng mga mata mo. Nagpapahinga ka pa ba?” ani Tempest. Pasado alas sais na ng gabi sa Pinas habang sa New York naman ay alas sais ng umaga. Napag-alaman niyang may early meeting si Danger ngayon sa board ng kompanya.
Isang linggo na ang nakalilipas simula nang lumipad sina Danger patungong ibang bansa. Sa kabila ng pagiging busy ng huli, hindi pa rin nito nakakaligtaan tumawag kay Tempest. Iyon nga lang ay never na nito nabanggit ang tungkol sa kasal. Naiintindihan naman niya iyon lalo na at nasa ospital pa rin ang Don Leonardo. Napa
