“BALITA ko ay nililigawan ka ulit ni Dan? Ayaw mo na ba talaga?”
Mula sa screen ng cellphone ni Tempest ay kita niya ang seryosong ekspresyon ng kanyang ina. Kanina pa sila nag-uusap tungkol sa pagbubuntis niya nang bigla na lang mabanggit ng huli ang tungkol kay Dan.
“Kanino niyo naman ho iyan nabalitaan, Nay?” pakunwari ay tanong niya pero malamang ay kay Tita Mercy niya nalaman ng ina iyon. “Hindi ho iyon nanliligaw. Gusto niya lang ng kapatawaran ko. Saka baby lang ang habol nun sa akin,” dagdag pa niya.
Nailing naman ang ina sa kabilang linya. “Ikaw matanda ka na umaakto ka pa ng ganyan. Kung bata lang ang habol niyan sa ‘yo ni Dan ay hindi iyon magpapa press conference at hindi magpapakahirap na tila katulong d’yan sa inyo
