"ANONG plano mo n'yan ngayon? D'yan ka na muna ba o uuwi ka na dito sa atin?" tanong ng nanay ni Tempest mula sa kabilang linya.
Alam na kasi nito na buntis siya. Ang akala niya nga ay magagalit ito pero wala naman siyang narinig na sermon mula sa mga magulang niya. Bagkus ay bahid ang tuwa sa sa itsura ng mga ito nang malamang nagdadalang tao siya. Iyon nga lang ay hindi maiwasang mag-alala ng nanay niya lalo na at nasa malayo siya.
"Gusto kitang alagaan dito, Tempest anak. Pero kung mas gusto mong nariyan ka sa Tita Mercy mo ay pupwede rin naman. Mas maganda nga iyon. Made in New York ang magiging apo ko," dagdag pa nito, nagbibiro ngunit bahid ang pagmamalaki sa boses.
Naka video call sila through messenger. Alas otso na ng umaga sa New York at gabi naman sa Pilipinas.
Hindi muna
