"Vienna hija, ayos ka lang ba?" nag-aalalang tanong ng ginang. Tumango na lamang ako bilang sagot at patuloy na tinititigan itong teddy bear na hawak-hawak ko.
Nandito pa rin kami sa bahay, balak na sana naming umalis kanina ni Tine kaso hinatiran kami ng pagkain ni Tiya Maricel kaya hindi na natuloy ang pag-alis namin.
"Vienna may problema ba? Magmula nung bumaba ka, ang tahimik mo na. Ano ba ang iniisip mo? Sabihin mo sa'kin at tutulungan kita," wika ni Tine, pero hindi ko siya nilingon. Napabuntong hininga ako ng malalim saka ko binaba ang teddy bear sa mesa.
"Kanina mo pa tinititigan 'yang teddy bear na 'yan. Galing ba 'yan do'n sa box na binigay sa'yo ni Mang Eduardo?" dugtong pa niya.
"Hindi, galing 'to sa office ni Dad," tugon ko.
Akala ko kapag nakita ko na ang teddy bear
