Nabitiwan ni Dane ang hawak na mouse sa sinabi ni PJ. Parang biglang huminto ang oras habang inuulit-ulit sa isip niya ang mga salitang binitiwan nito.
"Si Natalie?" paos at pabulong niyang tanong, ngunit sapat para marinig ni PJ.
Tumango si PJ, deretso ang tingin kay Dane. "Oo, si Natalie."
Halos sumabog ang ulo ni Dane sa bigat ng impormasyon. Pakiramdam niya'y parang isang malaking bomba ang sumabog sa harapan niya.
"At bakit ngayon niyo lang sinasabi sa akin 'to?!" bulyaw niya, halatang hindi mapigilan ang galit. Tumayo siya mula sa upuan, puno ng tensyon ang bawat galaw. "Bakit hindi sinabi sa akin ni Natalie?"
Nagpalitan ng tingin sina PJ at Percy.
Napatitig si Dane sa kawalan. Ang galit, selos, at hinanakit na nararamdaman niya ay biglang napalitan ng takot at pagkakagulo. Ala
