“WHAT brings you here?”
Kung sa ibang pagkakataon niya iyon maririnig sa mama niya ay baka tumalikod na siya agad at umuwi na lang. Pero hindi iyon ang sitwasyon. Gusto niyang pumunta roonn, hindi bilang rebeldeng anak na nagpumilit kumawala sa hawla kundi bilang isang Amber na mas malawak na ang pang-unawa at mas mahaba na ang pasensya.
Ngumiti lang siya. Nasa harap ng hapag ang mga ito, tila si Alissa na lang ang hinihintay.
Tinitigan niya ang mukha ng ama. Nang mga sandaling iyon niya lamang ulit ito nakita. He still looked so firm and authoritative. But its fine lines became more visible. Hindi na maipagkakaila ang edad nito.
She then looked at her mother. Taglay pa rin nito ang gandang higit na pinagaganda ng mga linya sa mukha nito. Hindi pa rin natitinag ang postura. Kagaya nang
