Mariin kong kinagat ang ibabang labi ko. Lagot talaga ako oras na makita ni Eyeliner. Hanggang sa narinig ko ang marahan paghakbang nito papunta sa kinaroroonan ko. Hinawakan ko rin ang aking dibdib at damang-dama ko ang malakas na kabog nito.
Hanggang sa mabilis kong kinuha ang maliit na botelya na nasa bulsa ko. Maliksi ko ring inalis ang takip at basta ko na lang pinagulong papunta sa taong kasama ko rito sa kwarto. Mayamaya pa’y mabilis na kumalat ang makapal na usok sa buong kwartong ito. Agad ko ring sinuot ang aking salamin sa mga mata upang makita ko ang aking daraanan kapag lalabas na ako rito.
Hindi na ako nagsayang ng oras dali-dali akong umalis sa aking pinagtataguan at mabilis na nagtatakbo papunta sa harap ng pinto. Ngunit nagulat ako nang may humarang sa aking daraanan par
