"Bruce, utang na loob. Huwag ka namang parang timang na nakatitig sa akin," kausap ni Jeanna sa pusang mataba.
"Eh, ano ba kasing pinaggagawa ninyo at hindi mawalay ang tingin ni Bruce sa iyo?"
Si Kim, bitbit ang fresh laundry mats ng pusang mamboboso. Lahat ng sulok ng bahay yata ay may basket na rattan na higaan ni Bruce.
"Wala, ewan ko ba 'Nyora," lunok. Medyo mahalay para I-elaborate niya. "Ano'ng oras kayo umuwi ni Ric mo?"
"Pasaso alas dos," sagot ni Kim. "Akala ko nga hindi na kami makakauwi ng buhay eh."
"Hala! Bakit?"
"Ang daming check point!" gilalas si Kim. "Itong si Ric, walang dalang lisensya! Ang lakas lakas ng loob magmotor, wala naman pa lang lisensya!"
Natawa na lang siya. Thank goodness! Si Bruce lang pala ang audience nila kagabi.
"Eh, de.. ang dami ninyong
