NANG MAGISING nga kinabukasan ay maagang gumayak sina Aliyah at Celestine upang pumasok sa university. Habang nasa byahe sila ay walang nag-uungkat tungkol sa nangyari tungkol kina Felicity. Alam kasi nila pareho na maii-stress lamang sila sa oras na iyon na naman ang maging topic nilang dalawa.
"Saan mo gusto mag-lunch mamaya?" tanong ni Celestine sa kaniya habang pababab sila ng sasakyan.
Sandali naman siyang nag-isip kung ano ang gusto niyang kainin sa oras na iyon. Nang walang maisip ay nagkibit na lang siya ng balikat. "Kahit saan na lang siguro. Ikaw, may gusto ka bang kainan?" Sabay na silang naglalakad papasok ng campus.
"Wala rin akong maisip." Natawa silang pareho dahil doon.
Kinawit ni Aliyah ang braso niya sa braso ni Celestine. Ang ganoong gawi ay normal naman niyang na
