"ANONG SABI mo?" Napatayo ang ama ni Celestine. Gulat na gulat ang makikita sa mukha nito. Lumingon ito sa asawa na ngayon ay nakatingin lang sa anak. "H-honey, anong nangyayari?"
Kabadong-kabado si Aliyah pero alam niyang mas kabado ngayon ang kaniyang nobyang si Celestine. Umiiyak ito ngayon sa harap ng mga magulang. Lumapit si Aliyah rito saka hinawakan ang kamay nito.
"T-Tine..." tawag niya sa ngalan nito.
May luha na rin sa mga mata ang ina ni Celestine. Suminghot pa ito saka nag-alis ng bara sa lalamunan. Maya-maya pa ay tumingin ito sa asawa saka tumingin muli sa kanilang dalawa. Humugot ito nang malalim na paghinga. "M-matagal ko nang alam ang tungkol diyan, anak. Alam ko. Nararamdaman ko."
Mas lalong umiyak si Celestine at ganoon din siya. "M-mama..."
Hinawakan nito ang isang
