HUMINGA MUNA nang malalim si Aliyah bago siya pumasok sa loob ng Theodore's, isang sikat na Filipino restaurant sa kilalang mall malapit sa kanilang campus. Kaagad na naamoy ni Aliyah ang mabangong amoy ng mga pagkain pero hindi niya iyon pinansin dahil ang kaniyang dibdib ay nagsisimula nang dagain.
Kabado siya dahil ito ang unang beses na magkikita si ni Lavi Azul nang sila lang dalawa at walang kasama. tanging sila lang kasi ang kakain dito, iyon ang sabi ni Lavi sa text message nito kanina. Kaagad na may lumapi sa kaniyang waiter at nang sinabi niya ang pangalang 'Lavi Azul' ay awtomatiko na siya nitong hinatid sa pribadong silid.
Lihim na humanga si Aliyah sa lugar dahil bukod sa masarap ang pagkain dito, tanging mga kilala personalidad lang ang kayang umukopa ng pribadong silid
