TULAD ng inaasahan ay late nga kami ng ten minutes sa simbahan na pagdarausan ng binyag. Kanina pa pinuputakte ng text at tawag ni Michelle si Joaquin habang nasa daan kami ngunit ipinagkibit-balikat lang iyon ni Joaquin. Pagkarating namin sa simbahan ay sinalubong ako ng tinginan ng mga bisita lalo pa’t nakaangkla ang aking kamay sa braso ni Joaquin habang siya naman ay nakahawak sa aking bewang. Kaliwa’t kanan ang bulung-bulungan pero wala akong pakialam.
Hindi ako dapat magpaapekto at mahiya sa kanila, dahil in the first place sila dapat ang mahiya dahil nasa loob sila ng simbahan pero kung magbulungan at makatingin sa akin ay daig pa ang mga tsismosa sa kanto na inaalmusal ang tsismis. Taas-noo akong naglakad kasama si Joaquin patungo sa harap kung nasaan sina Michelle kasama ang kani
