WALANG gana kong ibinaba ang kutsara’t tinidor saka dinampot ang baso na may lamang tubig. Tuloy-tuloy kong ininom ang laman nito hanggang sa tuluyang masaid ang laman. Matapos uminom ay huminga muna ako nang malalim saka tahimik na pinagmasdan si Joaquin na walang imik habang kumakain. Kanina ko pa napapansin ang kawalan niya ng imik at panakaw na sumusulyap sa akin.
Animo’y may gusto siyang sabihin pero hindi niya lang masabi. Simula rin nang dumating siya kanina galing sa trabaho ay panay na ang pagpapakawala niya nang mararahas na buntonghininga. Hinayaan ko na lang siya dahil baka pagod lang siya sa trabaho. Hindi ko na nga rin siya kinompronta kung bakit hindi niya sinasagot ang mga tawag ko kanina. Bukod sa umuwi naman siya sa tamang oras ay nakabili pa siya ng anim na karton ng g
