SABAY na napatingin sa aking gawi sina Michelle at Joaquin nang makapasok ako dito sa loob ng kuwarto. Si Joaquin ay halatang nagulat dahil natapon pa niya ang laman ng kutsarang isusubo sana niya kay Michelle. Dinig ko ang pagdaing ni Michelle sa sakit dahil kitang-kita naman na umuusok pa ang laman niyon na sigurado akong lugaw.
Sana iyong laman na lang ng mangkok ang naibuhos sa kaniya para nalapnos nang tuluyan ang makapal niyang balat, anas ko sa aking isipan habang diretso pa rin ang aking tingin sa kanila. Kung hindi lang talaga masamang humiling sa Diyos ng ikapapahamak ng kapwa, sana hiniling ko nang mamatay sa mismong kinahihigaan niya si Michelle ngayon.
Imbes na punasan ni Joaquin ang natapon sa kamay ni Michelle ay mabilis pa sa alas-kuwatro itong tumayo saka inilapag sa b
