CHAPTER 39
"Bakit mo sinisiraan ang anak ko?!" sigaw ni Mommy kay James.
Naabutan ko silang naroon sa dulo ng hagdan. Kaagad akong napahinto sa kalagitnaan ng hagdan at maang silang dinungaw sa baba. Nangunot pa ang noo ko mula sa narinig kay Mommy.
Napatingin ako kay James, siya ang nakaharap sa pwesto ko kaya mabilis lang din na nagtagpo ang mga mata namin nang mapansin niya ang presensya ko. Seryoso ang kaniyang expression na nakatingala sa akin.
Naroon sa mga mata niya ang pinagsamang puyat at pagod sa trabaho. Ganoon na lamang din magtagpo ang dalawang kilay niya, para bang kanina pa siya nababagabag ng kung ano sa isipan niya.
Mayamaya nang mapang-uyam siyang ngumiti bago ibinalik ang atensyon kay Mommy, na kahit nakatalikod ito ay tanaw ko ang marahas na paghinga niya. Gumagala
