CHAPTER 41
Iyong naimpake kong mga damit sa isang maleta noon na matagal nakatago sa ilalim ng kama ay palihim kong inilagay sa compartment ng kotse ni Haris kaninang madaling araw. Ganoon din ang ginawa niya. Mayroon lang siyang isang bag pack na puno ng kaniyang damit.
Ito ang plano at desisyon namin dalawa. Buo na ang loob namin simula pa kagabi. Pareho na kaming handa na kahit hindi pa alam kung anong kahahantungan namin ay pareho rin namin iyong haharapin.
Alam ko na mahirap ito para kay Haris. Maraming bagay ang mawawala sa kaniya, marami ang madidismaya at malulungkot para sa kaniya. Hindi katulad ko, hinihintay na lang na kusang umalis.
Mahirap din ito sa parte ko. Ilang beses ko noong pinag-isipan ang lumayas sa bahay ngunit hindi ko matuluy-tuloy dahil alam ko sa sarili ko ku
