IMINULAT ni Maxine ang mga mata. Hindi niya alam kung bakit bigla siyang nakaramdam ng antok pagpasok pa lang niya sa loob ng taxi kanina, samantalang hindi naman siya lasing nang lumabas sila ni Kylie sa bar.
Napasinghap siya sa sakit ng ulo at hindi niya naiwasang sapuin iyon.
Iginala niya ang mga mata at kaagad na napabalikwas ng bangon nang mapansin ang paligid.
"Bakit..." nabitin na tanong niya sa sarili kasabay ang pagkabog ng kaniyang dibdib. Nasa isang silid siya na pamilyar sa kaniyang mga mata. Sinubukan niyang alalahanin kung paano napunta roon pero nahirapan siya.
Pagkaraa'y napasulyap siya sa kaniyang tabi sa kanang bahagi ng kamang kinahihigaan at ganoon na lamang ang panghihilakbot niya nang makita ang katawang nakalatag doon. Awtomatiko siyang napatili kasabay ang mab
