INIHIMPIL ni Naylor ang kotse sa garahe ng kanilang mansyon ngunit hindi ito agad kumilos upang bumaba upang ipagbukas siya ng pinto gaya ng dati na nitong ginagawa.
"May problema ka ba?" puna ni Kylie sa binata.
Hindi ito sumagot pero nilingon siya at tinitigan.
Napalunok siya dahil sa paraan ng pagtitig nito.
Agad niyang naalala ang tip sa kanya ni Maxine noon, at ganoong-ganoon nga ang paraan ng pagtitig na iyon ni Naylor sa kanya ngayon.
Subalit hindi nito ginawa ang huling tip ni Maxine kahit pa nga nakipag-titigan din siya rito bagkus ay kumilos ito at bumaba bago lumigid upang ipagbukas siya ng pintuan ng kotse.
Nagkukot ang kanyang kalooban at gusto niyang sitahin si Naylor.
Akala pa naman niya, gaya ng sinabi ni Max ay unti-unti itong lalapit para halikan siya pero hi
