YUMI:
NANGINGITI ako habang nagpapahangin dito sa veranda ng silid namin ni Delta. Matapos ang double celebration namin ngayong gabi mula sa pagtatapos namin ni Rohan sa kolehiyo at pagtanggap ko sa proposal ni Delta na kasal ay nagsalo-salo kaming buong pamilya.
Maingay, magulo pero sobrang saya namin na magkakasundo kaming lahat. Mababait din kasi ang mga napangasawa ng mga kapatid ni Delta. Hindi sila nakakailang makasama kahit alam ko namang nanggaling sila sa mga kilalang angkan katulad nila Delta. Pero hindi sila mapang hamak na tao.
Napatitig ako sa infinity gold ring na suot ko. Akala ko ay hindi na ito nahanap noon ni Delta na iniwanan ko sa ibabaw ng bato kung saan ako noon tumalon sa Batanes. Itinago niya pala ito.
Inaasahan ko din naman ang bagay na ito. Na aalukin na ako
