“D-DAMIAN, a-anong gagawin mo?” Biglang rumehistro ang takot sa mukha ng Mama Guada niya nang agawin niya dito ang latigo.
Mas tumalim ang mata ni Damian. “Gagawin ko na ang matagal ko nang dapat ginawa! Sawang-sawa na ako sa pagsunod sa’yo!”
“Matuto kang gumalang!” Sasampalin sana siya nito pero mabilis niyang napigilan ang kamay nito. Hinawakan niya iyon at pinisil.
“Hindi mo na ako masasaktan pa, Mama…”
Malakas na itinulak ni Damian ang sariling ina. Nang matumba ito ay ipinulupot niya sa leeg nito ang latigo at sa pamamagitan niyon ay sinakal niya ito. Habang ginagawa niya iyon ay isa-isang bumabalik sa isipan niya ang lahat ng pananakit nito sa kanya. Pisikal man o emosyonal. At dahil doon ay mas lalong tumitindi ang kagustuhan niyang patayin ang kanyang ina.
Noong simula ay luma
